Գունավոր սենսորային էկրանով մուլտիմեդիա համակարգը բազում ֆունկցիաներով հագեցած ունիվերսալ համալիր է։ Համակարգը սարքավորված է արտաքին կրիչների միացման համար նախատեսված USB միակցիչով, ինչպես նաև հնարավորություն է տալիս միացնել բջջային հեռախոսները Bluetooth կապուղիով, վերարտադրել երաժշտություն և շփվել բարեկամների հետ։ Andriod Auto և Apple Carplay հարթակների շնորհիվ՝ դուք կարող եք օգտվել հեռախոսի մեջ տեղադրված մի շարք հավելվածներից, օրինակ՝ մուլտիմեդիա համակարգի էկրանին միացնելով քարտեզները։ Դրա համար անհրաժեշտ է հեռախոսի մեջ ակտիվացնել Andriod Auto կամ Apple Carplay ծրագրերը, USB-լարի օգնությամբ կապել հեռախոսը ավտոմեքենայի մուլտիմեդիա համակարգին և կարգավորել էկրանի կրկնապատկերը։ Ղեկի վրա առկա կոճակների օգնությամբ վարորդը կարող է կառավարել համակարգի հիմնական ֆունկցիաները՝ բարձրացնել ձայնը, պատասխանել զանգերի, ակտիվացնել ձայնային կառավարումը՝ չշեղվելով ճանապարհից։ Դիսփլեյին արտացոլվում է նաև հետևի տեսադաշտի տեսախցիկից ստացվող պատկերը՝ դինամիկ գծանշմամբ, ինչը հեշտացնում է հետընթաց կայանումը։ 7″ անկյունագծով դիսփլեյով մուլտիմեդիա համակարգը տեղադրվում է մեր ավտոսրահում առկա հետևյալ մոդելների վրա՝ Picanto, Rio, Sorento։ 8″ անկյունագծով դիսփլեյով մուլտիմեդիա համակարգը տեղադրվում է մերավտոսրահում առկա հետևյալ մոդելների վրա՝ Ceed, Cerato, Seltos, Sportage։