Նորություններ

Kia-ն բացահայտել է Proceed մոդելի որոշ մանրամասներ 28.08.2018

Kia-ն հրապարակել է երրորդ սերնդի Ceed ընտանիքի նոր անդամի թիզերային լուսանկարը: Proceed անվանումը ստացած նորույթն իրենից ներկայացնում է հինգդռնանի «շութինգ-բրեյք», որը կլրացնի ավանդական ունիվերսալի հնարավորությունները: Այն, ինչպես ակնկալվում է, կառաջարկվի 204 ձ.ուժ հզորությամբ բենզինային տուրբոշարժիչով, որը կիրառվում էր նախորդ սերնդի GT տարբերակի համար:

Kia Proceed մոդելի կոնցեպտուալ տարբերակը առաջին անգամ ցուցադրվել է նախորդ տարի Ֆրանկֆուրտի ավտոսրահում: Այն առանձնանում էր տանիքի սահուն գծերով, 20-դյույմանոց անվասկավառակներով, համայնապատկերային ապակեպատմամբ և այսպես կոչված «Հիշողության բանկով»՝ երեք տարբեր բուրմունքներով, որոնք վարորդին կհիշեցնեն հզորության և դրայվի մասին:

2017 Kia Proceed concept

Նշենք, որ մինչ այս Proceed անվանումն օգտագործվում էր երեքդռնանի հեչբեքի համար: Նոր ընտանիքում նման մոդիֆիկացիա ընդհանրապես չի լինի՝ միայն հինգդռնանի տարբերակներ, շութինգ-բրեյքն ու, հնարավոր է, բարձր դիրքով ամենագնացային տարբերակ:

Ամբողջությամբ նոր Proceed-ը կցուցադրվի սեպտեմբերի 13-ին, իսկ մոդելի հանրային նորամուտը կկայանա հոկտեմբերին՝ Փարիզում:

Դիտել բոլորը